|
MIGUEL
ÁNCHEL BARCOS CALVO
Miembro
numerario dende octubre de 2014. Natural de Fago, en a Val
d'Ansó, ye parlador d'o dialecto ansotano. Ha militau
en diferents asociacions ta la esfensa y promoción de
l'aragonés. Ye lexicografo y traductor.
Contacto:
mabarcos@gmail.com
|
|
MANUEL
CASTÁN ESPOT
Miembro
fundador de l'Academia. Filologo y profesor de secundaria. Ye
natural de Gabás, en a Vall de Benás. Va
presidir Chuntos por l'Aragonés, asociación que
va promover la cilebración d'el II Congreso de
l'Aragonés. Esfensor d'el suyo dialecto local, lo
benasqués u patués, ye president de l'Academia
dende octubre de 2006.
Contacto:
macases@ono.com
|
|
CHORCHI
DÍAZ GÓMEZ
Miembro
numerario dende octubre de 2014. Natural de Zaragoza, ye
licenciau en Filolochía Hispanica y un important
coneixedor d'el dialecto benasqués, ademés
d'haber investigau en profundidat las parlas ribagorzanas,
tanto catalanas como aragonesas; ye profesor de secundaria y
treballa activament en movimientos de renovación
pedagochica d'Aragón.
Contacto:
ch.diaz@hotmail.com
|
|
JUAN
JOSÉ GUILLÉN CALVO
Miembro
d'Honor de l'Academia dende noviembre de 2007. Doctor en
filolochía anglesa, ha feito importants estudios sobre
toponimia y antroponimia d'a Val de Tena y ye buen conoixedor
d'a etnografía local. Tamién ye responsable de
publicacions sobre filolochía anglesa. Ye natural de
Pandicosa.
Contacto:
guillencal@gmail.com
|
|
XABIER
KINTANA URTIAGA
Miembro
d'Honor de l'Academia dende marzo de 2009. Conoixito escritor
en luenga basca, ha treballato en una prolifica obra que
pendula dende a poesía enta l'asayo, pasando per a
narrativa u as biografías. Ye muito important a suya
producción como traductor. En l'actualidat ye
Secretaire d'Euskaltzaindia y ha participato en diferents
eventos relacionatos con a luenga aragonesa.
Contacto:
xkintana@euskaltzaindia.net
|
|
JUAN
JOSÉ LAGRABA MIGUEL
Miembro
fundador de l'Academia. Ye escritor en cheso, lo suyo
dialecto local, y ha feito firme ceprén en a suya
promoción tamién dende o Gurpo
Folklorico Val d'Echo
y dende l'asociación Bisas de lo Subordán. Ye
coautor, chunto con Chusé Lera, d'a Gramatica de lo
cheso.
Contacto:
tresorero@academiadelaragones.org
|
|
CHUSÉ
LERA ALSINA
Miembro
fundador de l'Academia. Ha treballau firme por a esfensa y
promoción de l'aragonés, dende o dialecto cheso
que ha cautivau y estudiau, fendo composicions literarias,
liderando lo Grupo Folklorico Val d'Echo y publicando
articlos y libros, beluns tant importants como a Gramatica de
lo Cheso, u o diccionario Aplego. Conoixito en toda la
sociedat aragonesa por estar l'autor d'a popular canta S'ha
feito de nuey. Tamién ha impartiu cursos
d'aragonés.
Contacto:
jlera@academiadelaragones.org
|
|
CHABIER
LOZANO SIERRA
Miembro
fundador de l'Academia. Licenciato en filolochía, ha
publicato estudios sobre diferents dialectos locals
aragoneses. Treballa en a promoción d'o belsetán,
dialecto que ha feito propio dende que reside en Bielsa y d'o
que n'ha publicato una important morfosintaxis (chunto con
Ánchel L. Saludas). Ye miembro de l'asociación
Fendo Tranya.
Contacto:
chalosie@gmail.com
|
|
JUAN
PABLO MARTÍNEZ CORTÉS
Miembro
numerario dende octubre de 2014. Ye Doctor Incheniero de
Telecomunicación y Profesor Titular d'a Universidad de
Zaragoza. Participa en prochectos de difusión,
dinamización y revitalización lingüistica
de gran alcanz, relacionaus con l'uso de l'aragonés en
as nuevas tecnolochías (creyación y difusión
de contenius libres, localización de software,
ensenyanza a distancia) y o desarrollo de ferramientas
de lingüistica computacional, d'as que se'n destaca un
corrector ortografico y un traductor automatico.
Contacto:
jpmart[arroba]unizar.es
|
|
FELICIANO
MARTÍNEZ TUR
Miembro
numerario de l'Academia dende marzo de 2013. Se va criar a
Eivissa y vive en Zaragoza dende 1990. Licenciau en
Filolochía Hispanica, ha feito parti de diferents
asociacions en a promonión d'a nuestra luenga. Cal
destacar a suya fayena como profesor d'aragonés en un
gran numbro de cursos y como redactor de materials
d'amostranza. Ye coautor d'o manual d'amostranza Arredol,
una gambadeta por a luenga aragonesa.
|
|
MICHAEL
METZELTIN
Miembro
d'Honor de l'Academia dende abril de 2008. Ye catedratico de
Lingüistica y Didactica d'as Luengas Romanicas d'a
Universidat de Viena. Autor d'importants obras sobre
lingüistica y romanistica, ha colaborato dende fa
tiempos en muitos eventos relacionatos con a luenga
aragonesa. A suya obra més conoixita ye Lexikon der
Romanistichen Linguistik. Ye natural de Sorengo (Suiza)
Contacto:
michael.metzeltin@univie.ac.at
|
|
Mª
TERESA MORET OLIVER
Miembro
numerario dende octubre de 2014. Natural de Mequinenza, ye
doctora en Filolochía Hispanica, conoixedera d'as
parlas aragonesas y important investigadera d'as parlas
catalanas d'Aragón, asinas como d'as parlas de
transición. Ye vinculada profesionalment a la
Universidad de Zaragoza y ha treballau en docencia de luengas
en secundaria y en escuelas oficials d'idiomas.
Contacto:
mariateresa.moret@gmail.com
|
|
BRIAN
MOTT
Miembro
d'Honor de l'Academia dende noviembre de 2007. D'orichen
londinense, ye doctor en filolochía anglesa y
treballa a la Universitat Central de Barcelona, a on ye
Coordinador d'a Sección de Filolochía Anglesa.
Ha estudiau lo dialecto chistabín dende 1968, y ye
responsable d'un buen amiro de publicacions sobre iste
dialecto y tamién d'atros dialectos aragoneses y
catalans en territorio aragonés. Antiparti, ha
publicau treballos relacionaus con a filolochía
anglesa sobre fonetica, fonolochía, semantica,
pragmatica, gamatica y traducción.
Contacto:
mott@ub.edu
|
|
SANTIAGO
PARICIO MARTÍN
Miembro
numerario dende octubre de 2014. Ye licenciau en Filolochía
Hispanica, en Filolochía Catalana y master en Luengas
Aplicadas. Treballa como profesor de secundaria. Ha
desarrollau treballos d'investigación dialectal y
ferramientas de lingüistica computacional. D'a suya
fayena literaria s'ha de destacar o premio Arnal Cavero que
li concedió lo Gubierno d'Aragón en 2009 a suya
obra Fillos d'as luengas. Misión Multilingüismo.
|
|
ANTONIO
PLAZA BOYA
Miembro
numerario dende noviembre de 2007. Ye natural de Castilló
de Sos y parlant de benasqués. Director d'o Seminario
de Balbastro y profesor de filolochía anglesa en a
UNED. A suya obra escrita tracta sobre a luenga y as
tradicions de l'Alto Esera y d'a Vall de Benás.
Contacto:
aplaza@unedaragon.org
|
|
ARTUR
QUINTANA I FONT
Miembro
d'Honor de l'Academia dende noviembre de 2007. Prestichioso
estudioso d'es parlars catalans en Aragón, ye miembro
correspondient de l'Institut
d'Estudis Catalans.
Ha estudiato l'aragonés testimonial d'a Val d'o
Mezquín, y mes recientment, l'aragonés de
Sercué, en Vallibió. Exerció lo suyo
machisterio, dica la chubilación, en a Universidat de
Heidelberg. Amés de presidir a Iniciativa
Cultural de la Franja,
ye miembro d'o Consello
d'a Fabla Aragonesa
y d'o suyo Consello Asesor.
Contacto:
quintana@mezquin.com
|
|
FRANCHO
RODÉS ORQUÍN
Miembro
fundador de l'Academia. Licenciato en filolochía, ha
publicato libros y estudios relacionatos con diversos
dialectos aragoneses y con a estandardización d'a
luenga. Estió miembro d'o Consello Asesor d'o I
Congreso ta ra Normalización de l'Aragonés.
Fa parte d'o Rolde O Caxico de Samianigo. Dica la suya retreta s'adedicó a l'amostranza secundaria. Ha
impartito cursos d'aragonés ta toda mena de livels reglaus y no reglaus.
Contacto:
frodes@academiadelaragones.org
|
|
FERNANDO
ROMANOS HERNANDO
Miembro
fundador de l'Academia. Autor de meyos audiovisuals, con
gravacions de campo que representan a totz es dialectos de
l'aragonés, ha escrito una important obra literaria;
pero destaca especialment por a investigación
dialectolochica que queda patent en una important producción
de vocabularios, descripcions gramaticals y fraseolochía.
Estió fundador d'o Ligallo de Fablans y ye miembro d'o
Consello d'a Fabla Aragonesa y d'o suyo Consello Asesor.
Anque zaragozano de naiximiento, ye chistabín
d'adopción y ha estudiau lo dialecto local dende
antigo. Ye profesor de secundaria y d'a Universidad de Zaragoza
Contacto:
fromanos@ono.com
|
|
ÁNCHEL
LOIS SALUDAS BERNAD
Miembro
fundador de l'Academia. Natural d'Espierba (en a Val de
Bielsa), ye o mes important estudioso d'o dialecto belsetán,
d'o que n'ha publicato una important morfosintaxis (chunto
con Chabier Lozano), y viene arreplegando lo lexico d'o suyo
dialecto dende fa muitos anyos. Ye miembro d'o Consello d'a
Fabla Aragonesa. Tamién ha publicato una interesant
obra literaria dialectal.
Contacto:
alsaludas@gmail.com
|
|
FERNANDO
SÁNCHEZ PITARCH
Miembro
fundador de l'Academia. Licenciau en Sciencias Quimicas y en
Filolochía Hispanica, treballa como profesor de
secundaria. Destacau empentador de l'asociacionismo en
esfensa de l'aragonés, ye miembro d'o Consello d'a
Fabla Aragonesa y de Nogará-Religada. Ha investigau
especialment es dialectos chistabín, fovano, agüerano
y campés. Ye autor d'importants monografías
sobre morfosintaxi y lexico dialectals.
Contacto:
fsanchezp05@gmail.com
|
|
JOSÉ
Mª SATUÉ SANROMÁN
Miembro
fundador de l'Academia. Natural d’Escartín
(Broto), en as montanyas de Sobrepuerto. Estudió
Machisterio, se licenció en Filosofía y Letras
(Historia) y ha treballau siempre de mayestro. Ha replegau y
estudiau toda la cultura tradicional (costumbres, creyencias,
luenga) d’a suya tierra, dando notorio d’ella en
distintas publicacions, en castellano y aragonés. En a
luenga de Sobrepuerto (a suya luenga materna) ha publicau un
vocabulario con eixemplos d’emplego, as charradas que
os lolos contaban en as veiladas y os quefers de toda
l’anyada. Agora colabora en un diario con escritos
costumbristas en aragonés.
Contacto:
josemariasatue@hotmail.com
|
|
JUAN
JOSÉ SEGURA MALAGÓN
Miembro
fundador de l'Academia. Licenciau en Sciencias Fisicas, estió
catedratico de secundaria en Zaragoza dica la chubilación. Ha feito estudios
sobre teoría lingüistica, codificación y
aspectos morfolochicos y sintacticos. Fació parti d'a
Comisión asesora d'o prochecto lexicografico Tresoro
d'a Luenga Aragonesa. Ye miembro d'o Consello d'a Fabla
Aragonesa y de Nogará-Religada.
Contacto:
juanjosesegura@mixmail.com
|
|
GUILLERMO
TOMÁS FACI
Miembro
numerario dende octubre de 2014. Natural de Zaragoza, ye doctor en Historia, con una tesi doctoral sobre
Ribagorza; antiparte d'una impecable trachectoria como
investigador, ye gran conoixedor de l'aragonés meyeval
y d'as parlas aragonesas modernas. Ye funcionario d'o Cuerpo Facultativo de Archiveros del Estado.
Contacto:
guitofa@hotmail.com
|
|
QUINO
VILLA BRUNED
Miembro
fundador de l'Academia. Natural de Chistén, en a Val
de Chistau, va ser un pionero en a producción de cine
etnografico en a nuestra luenga. Mayestro, psicologo
clinico y sexologo. Va treballar en educación secundaria basta la retreta. En chistabín
cautiva lo rilato, la poesía y la novela; tamién
escribe narrativa y asayo en castellano. Ha realizau bellas
200 obras de cine amateur y video, d'ellas mas de 60 de tipo
etnografico. Dende 1978 ye treballando en una ampla obra de
tradición oral d'a Val de Chistau.
Contacto: quinovilla@gmail.com
|
|
|
